ખિલ્યુ’તું કમળ એક ક્યારાની વચ્ચે

ખિલ્યુ’તું કમળ એક ક્યારાની વચ્ચે
તમે ત્યારથી છો અમારાની વચ્ચે

ભલા કેમ લાગે છે પિંછા સમો આ?
હશે ક્યાંક કૂંપળ આ ભારાની વચ્ચે

સિમાડાની રસમો , રિવાજો ન તોડ્યાં
ઘુઘવતો રહ્યો હું કિનારાની વચ્ચે

શરૂ થઇ હશે મૌન ભાષા કદાચિત
અબોલાથી તારા ને મારાની વચ્ચે

ખુદા બંદગી તેં સ્વિકારી અમારી
સુતો તે દિવસથી મિનારાની વચ્ચે

મળ્યા ધૂપ , સન્માન , પુષ્પો છતાં પણ
હતો સાવ એકલ ઠઠારાની વચ્ચે