6.11.07

આખે આખી રે તને ચાખી..........

ભીના આ ટેરવાને સહેજે ચાટું ને થાય, આખે આખી રે તને ચાખી
અરધો પીવું ને પછી અરધો રાખું કે જાણે નજરું સામે રે તને રાખી
અરે આખે આખી રે તને ચાખી…….
સુક્કા દરિયાને મુકી, ભીના ખાબોચીયામાં લીલ્લો રે છમ્મ થઈ ન્હાતો
સપનાનો દેશ હવે વહાલો લાગે ને પછી યાદો થઈ જાય બધી ઝાંખી
અરે આખે આખી રે તને ચાખી……..
ચુકવું હું ૠણ તારી ચીંધીં તે આંગળીનું, માંડવડે મસ્તી પધરાવું
આરતી ઉતારી તારા લઈ લઉં ઓવારણા ને પ્યાલી પરસાદી પીવું આખી
અરે આખે આખી રે તને ચાખી…….
સીધો મારગ છે આ તો હરિયાના દેશ ભણી, વચમા ના કાંટા કઢાપો
જીવતર જીતીને હું તો ઉડ્યો આકાશે, મેંતો ભવની ભરમાર બહુ સાંખી
અરે આખે આખી રે તને ચાખી……….

1 comment:

prashantbaxi said...

"bhina tervane saheje chatu ne thai, aakhe aakhi tane chakhi...." kharekhar aadbhut rahi.... aavu kai hoi to msg kari aapjo jethi web sight ma vadhu vanchvani maja aave.... - ZINZO