મોત ક્યાંથી આવશે, ડરતું હશે
જીંદગી ને આજીજી કરતું હશે
મૈકદામાં ખૌફ છે મેવાડનો
કોણ પ્યાલી ઝેરની ધરતું હશે ?
જીરવાતી હોય ના લીલાશને
પાન પીળું એટલે ખરતું હશે
હો કિતાબે આંખ પણ, મન ક્યાંક હો
તોય પાનુ કેમ આ ફરતું હશે
કેટલી જલતી હશે એવી ચિતા
જેમનાથી કો’ક દિલ ઠરતું હશે
ઠોસ કારણ કોઇ તો નક્કી હશે
સાવ અમથું ના કોઇ મરતું હશે
14.10.07
Subscribe to:
Post Comments (Atom)
1 comment:
jemnathi dil koi tharatu hashe.
tajgi bhari abhivyakti. nava pratiko no sundar upyog tamari gazalo ma manava male chhe. keep it up.
Post a Comment