એક પણ પાના વિનાની ચોપડી તમને મળી છે ?
જીંદગી મારી હતી એ બાપડી, તમને મળી છે ?
જીંદગી મારી હતી એ બાપડી, તમને મળી છે ?
સોણલાં, અરમાન ને ઇચ્છા બધી પુરી થવાના
ખ્વાબમાં ખરડાઇ’તી જે આંખડી, તમને મળી છે ?
ખ્વાબમાં ખરડાઇ’તી જે આંખડી, તમને મળી છે ?
એમના એક વેણથી ભાંગી પડેલા મુજ હ્રદયની
સાવ ઝીણી પણ કરચ ના સાંપડી, તમને મળી છે ?
સાવ ઝીણી પણ કરચ ના સાંપડી, તમને મળી છે ?
વાંસળીમાં પ્રેમની, શબ્દો અમે ફુંકી દીધાં પણ
ના સુઝે બીજી હવે એની કડી, તમને મળી છે ?
ના સુઝે બીજી હવે એની કડી, તમને મળી છે ?
પ્રાત:, ગિરીનારી હવામાં આજ પણ જે ખટખટે છે
કુંડ દામોદર જતાં એ ચાખડી, તમને મળી છે ?
કુંડ દામોદર જતાં એ ચાખડી, તમને મળી છે ?
"છે અમારૂં આ બધું, પેલું, પણે મારૂં બધું છે"
નામ પોતાનું લખેલી ઠાઠડી, તમને મળી છે ?
નામ પોતાનું લખેલી ઠાઠડી, તમને મળી છે ?
No comments:
Post a Comment