આંખ ડાબી વિંચાય છે, આ લ્લે લે
લાટ દલડાં ઘવાય છે, આ લ્લે લે

સોળ પુરા થવામાં હવે બાકી શું
રાહ એની જોવાય છે, આ લ્લે લે

સહેજ પાલવ સરક્યાની વાત આખ્ખાયે
ગામ વચ્ચે ચર્ચાય છે, આ લ્લે લે

ઠેસ વાગે, ને ઝાંઝરને રણકારે
કાન સરવા સહુ થાય છે, આ લ્લે લે

બે’ક ઘુંઘરાળી લટમા રે અટવાતી
કંઇક રાતો ગુંથાય છે, આ લ્લે લે

ઢોલ વાગ્યો, ને કેટલાય નિ:સ્સાસા
છેક પાદર સંભળાય છે, આ લ્લે લે

ને હવે

જેમ કાંસકા ને પરફ્યુમુ વેંચાતાં
એમ રાખડી વેંચાય છે, આ લ્લે લે..!!